CrossFit Ung
Serstøk venjing til øll ung, ið vilja gerast sterkari, fimari og skjótari á ein stuttligan og natúrligan hátt!
Kostnaður úr 345 kr/mánaðin
1 mðr fyri 395kr kann keypast longur niðri á síðuni
Við í skeiðnum er:
- 2 venjingar um vikuna í 4 vikur
- Skraddaraseymaðar venjingar og rørslur til ung
- Undirvísing neyvt málrættað teimum í vøkstri
- Dugnaligir, fittir og eldhugaðir venjarar, sum eru vaksin og stuttlig fólk
- Avmarkað pláss
- Ung 14 til 16 ár
Um CrossFit Ung
- Endamál við skeiðnum
- Við venjing og spølum miða vit eftir at betra um teirra kropsligu javnvág og motorisku førleikar. Í einum modernaðum lívi við nógvum skermum hevur styrki, fimi og úthaldni stóran týdning fyri eitt langt og sunt lív, og fyri at trívast í gerandisdegnum, í skúla, í spæli, úti og inni.
- Bygt á natúrligar, fjølbroyttar og funktionellar rørslur
- Vit kasta, toga, lyfta, skumpa, klintra, renna og leypa. Vit venja altíð ymiskt og við nógvari orku. Vit nýta leysar vektir, dekk og kettlebells og okkara egna kropp í ringum, togum, við hoppibondum o.s.fr. Vit gera ymsar venjingar og spøl, har dentur altíð er á rættar og forsvarligar rørslur, fyri at verja unga kroppin.
- CrossFit til ung
- Hvønn mánað byrjar eitt nýtt skeið við nýggjari venjingarætlan. CrossFit er ítróttur í sær sjálvum, sum tú kanst venja miðvíst, men er eisini frálíkt sum ískoyti til annan ítrótt. Har er tó einki krav til kropsligar førleikar áðrenn byrjað verður, og allar venjingarnar eru gjørdar soleiðis, at øll kunnu vera við.
- Nær og hvar?
- Vant verður týs- og hósdag frá 15:15 til 16:15 í hølunum hjá Tvørmegi í Slættanesgøtu 11