CrossFit Ung & Tannáringar | Tvørmegi

CrossFit Ung & Tannáringar

Serstøk venjing til øll børn og ung, ið vilja gerast sterkari, fimari og skjótari á ein stuttligan og natúrligan hátt!

Kostnaður úr 345 kr/mánaðin

Prísur fyri 1 mðr. er 395kr

Nýtt skeið byrjar 31/5

Við í skeiðnum er:

  • 2 venjingar um vikuna í 4 vikur
  • Skraddaraseymaðar venjingar og rørslur til børn og ung
  • Undirvísing neyvt málrættað teimum í vøkstri
  • Dugnaligir, fittir og eldhugaðir venjarar, sum eru vaksin og stuttlig fólk
  • Avmarkað pláss
  • Ung 11 til 12 ár og Tannáringar 13 til 16 ár

Um Ung & Tannáringar

Endamál við skeiðnum
Við venjing og spølum miða vit eftir at betra um teirra kropsligu javnvág og motorisku førleikar. Í einum modernaðum lívi við nógvum skermum hevur styrki, fimi og úthaldni stóran týdning fyri eitt langt og sunt lív, og fyri at trívast í gerandisdegnum, í skúla, í spæli, úti og inni.
Bygt á natúrligar, fjølbroyttar og funktionellar rørslur
Vit kasta, toga, lyfta, skumpa, klintra, renna og leypa. Vit venja altíð ymiskt og við nógvari orku. Vit nýta leysar vektir, dekk og kettlebells og okkara egna kropp í ringum, togum, við hoppibondum o.s.fr. Vit gera ymsar venjingar og spøl, har dentur altíð er á rættar og forsvarligar rørslur, fyri at verja unga kroppin.
CrossFit til øll børn og ung
Hvønn mánað byrjar eitt nýtt skeið við nýggjari venjingarætlan. CrossFit er ítróttur í sær sjálvum, sum tú kanst venja miðvíst, men er eisini frálíkt sum ískoyti til annan ítrótt. Har er tó einki krav til kropsligar førleikar áðrenn byrjað verður, og allar venjingarnar eru gjørdar soleiðis, at øll kunnu vera við.
Nær og hvar?
Vant verður Týsdag og Hósdag. Ung venja kl 14 til 15 og Tannáringar kl 16 til 17. Tvørmegi hevur høli í gamla bakarínum hjá Frants Restorff í miðbýnum. Dyrnar eru í Magnus Heinasonargøta 24.

Tað er einfalt – melda til, kom til tíma og ger títt besta.So taka vit okkum av restini - síggjast!